မက်မွန်မြေကချစ်တေးတစ်ပုဒ် ' လို့ လူသိများတဲ့
သိန်းငှက်သူရဲကောင်းပတွဲ ရုပ်ရှင်ကို ရှောင်းကျန့်နဲ့ ပြန်လည်ရိုက်ကူးတော့မှာ ဖြစ်ပါတယ်။
2024 ဟာ ဆရာကြီးကျင်ယုံအသက်ရှိနေသေးရင်အသက်၁၀၀ပြည့်မယ့်နှစ်ဖြစ်လို့ သူ့ကိုဂုဏ်ပြုတဲ့အနေနဲ့ ပူးပေါင်းပြီးရိုက်ကူးမှာပါ။
ရှောင်းကျန့်က ကောကျင့်အနေနဲ့သရုပ်ဆောင်မှာဖြစ်ပြီး ကျွမ်းတဖေးကတော့ဟွမ်ရုံနေရာကသရုပ်ဆောင်သွားမှာပါ။ ဟွမ်ရုံလေးတော်တော်ချောလို့ ကွန့်မန့်မှာ ပုံချပေးထားတယ်။
အရင်ရိုက်ထားတဲ့ ဇာတ်လမ်းတွဲတွေမှာမပါခဲ့တဲ့ မွန်ဂိုနဲ့စုန့်နိုင်ငံရဲ့နှစ်ပြည်ထောင်စစ်ပွဲကိုအဓိကရိုက်ကူးမှာဖြစ်ပါတယ်။ ဒါကြောင့် ကောကျင့်သိုင်းပညာကိုသင်ယူပြီးသိုင်းလောကထဲစတင်ဝင်လာတဲ့အကြောင်းအရာအသေးစိတ်တော့ပါမယ်မထင်ပါဘူး။အဲ့အစား သိုင်းလောကမှာ 'ကောသူရဲကောင်း၊စစ်သူကြီးကော' ဆိုပြီးနာမည်ရလာတဲ့အကြောင်းအရင်းပဲအဓိကပါမှာပါ။
ရှောင်းကျန့်ကို ကောကျင့်နေရာနဲ့ မလိုက်ဖက်ဘူးလို့ ဝေဖန်မယ့်သူတွေအတွက်လည်း တစ်ခါတည်းသုံးသပ်ပေးပါမယ်။ ကောကျင့်ရဲ့ဇာတ်ကောင်ဟာ ထုံထုံအအနဲ့ သူ့ကိုကြည့်ရတာအပြစ်ကင်းဖြူစင်ပါတယ်။ ဒီလိုဇာတ်ကောင်မျိုးကို ရှောင်းကျန့်အနေနဲ့ နာမည်ကြီးရုပ်ရှင်ဖြစ်တဲ့ Jade Dynasty 2019 မှာ သရုပ်ဆောင်ပြထားပြီးသားဖြစ်ပါတယ်။ လူတိုင်းသိပြီးသားဖြစ်တဲ့ ရုပ်ရှင်လည်းဖြစ်ပါတယ်။
ရှောင်းကျန့်က မေလ၂၇ရက်ကနေ ၃ပတ်တိတိ သိုင်းကွက်နဲ့လေးပစ်အတတ်တွေ ကိုသင်ပြီး ရိုက်ကူးရေးကိုစလုပ်ပါမယ်။
ဒါရိုက်တာကလည်း နာမည်ကြီးဇာတ်ညွန်းရေးဆရာနဲ့ ဒါရိုက်တာဖြစ်တဲ့ Tsui Hark ဖြစ်ပါတယ်။
နာမည်ကြီးဝူရှရုပ်ရှင်တွေဖြစ်တဲ့ New Dragon Gate Inn, ဂျက်လီရဲ့ Flying Swords of Dragon Gate, Once Upon A Time In China 1-5, Donnie Yen ရဲ့ Seven Swords, Iron Monkey 1, Lin Gengxin ရဲ့ Sword Master 2016, နောက်ဆုံး ဝူဂျင်းရဲ့ ဝက်ဝက်ကွဲအောင်မြင်ခဲ့တဲ့စစ်ကား The Battle at Lake changjin 2021, မူလပထမ Detective Dee 1,2,3 တို့ကို ရိုက်ကူးထားခဲ့တာမို့ မကောင်းမှာ စိတ်ပူစရာမလိုပါဘူး။
အသစ်ထပ်မံထွက်မယ့် The Romance Of Condor Heroes version အသစ်ကိုလည်း သူပဲရိုက်ကူးသွားမှာ ဖြစ်ပါတယ်။
ဇာတ်လမ်းအကျဥ်း - ဂျင်ဂျစ်ခန်းဦးဆောင်တဲ့မွန်ဂိုတပ်ကြီးဟာအနောက်ပိုင်းဒေသရွှေတင်းတွေကိုသိမ်းပြီးနောက်မှာ တောင်ပိုင်းက စုန့်နိုင်ငံကိုသိမ်းပိုက်ဖို့ချီတက်လာခဲ့တယ်။ အဲ့ဒီအချိန်မှာအလယ်ပိုင်းဒေသက များစွာသောသိုင်းပညာအကျော်အမော်တွေဟာမွန်ဂိုစစ်တပ်ကြီးကိုပြန်လည်တိုက်ခိုက်ခဲ့ကြတယ်။ ထိုအထဲမှာ ကောကျင့်လည်းပါဝင်ပြီး သူစုစည်းထားတဲ့သိုင်းအကျော်အမော်တွေနဲ့ ရှန်ယန်းမြို့တော်ကြီးကိုကာကွယ်ခဲ့ကြတဲ့ သူရဲကောင်းတို့အကြောင်းကိုတင်ဆက်မှာဖြစ်ပါတယ်။
@OnceUponInChina
